Pétur H. Blöndal:
Herra forseti. Hér eru skilgreiningar sem eiga að tryggja persónuvernd og dulkóðun og hefur mikið verið rætt um þessi atriði. Ég tel að persónuverndin sé nægilega tryggð í þessu frv. Sumir einblína svo á hugsanlega misnotkun, þ.e. lögbrot, að þeir hafa algerlega misst sjónar á þeim góðu áhrifum sem þetta frv. getur haft á þróun læknavísindanna. Það er því miður allt of algengt að menn horfa svo mikið á dökku hliðarnar að þeir sjá hreinlega ekki ljósu hliðarnar.