Bryndís Hlöðversdóttir:
Herra forseti. Hér stendur til að veita einkarétt á gerð og starfrækslu gagnagrunns í þeirri atvinnugrein sem ella gæti orðið einn helsti vaxtarbroddur íslensks atvinnulífs. Slíkri haftastefnu er ég andvíg. Á vísindasviðinu er frjáls samkeppni mikilvægari en á flestum öðrum sviðum. Það að veita einkarétt á gerð og starfrækslu gagnagrunns án útboðs eins og til stendur að gera er ekki aðeins ótrúlegur klíkuskapur heldur augljóslega brot á jafnræðisreglum stjórnarskrárinnar, samkeppnisreglum EES-samningsins og markmiði samkeppnislaga. Ég greiði atkvæði gegn slíkum aðferðum.