![](http://www.althingi.is/myndir/althlit.gif)
Rannveig Guðmundsdóttir (andsvar):
Herra forseti. Það er gott að heyra að gera á samninginn við sérleyfishafa áður en leyfið verður veitt. Það er mjög mikilvægt. En það kemur mér mjög á óvart að ekki sé búið að leggjast yfir það hvað eigi að vera í samningnum núna þegar við erum að afgreiða þetta mál því það er grundvallaratriði í umfjöllun málsins.
Herra forseti. Ég var að vísa til álitsgerðar Mannréttindaskrifstofu Íslands sem er mjög fagleg, enda standa að henni virtir aðilar. Þar eru bornar brigður á að upplýsingar í gagnagrunninum verði jafn vel tryggðar og haldið er fram af stjórnarmeirihlutanum. Ég ætla bara að vísa til þess álits.