Ágúst Einarsson:
Herra forseti. Ríkisstjórnin og aðrir stjórnarþingmenn eru ábyrgir fyrir afskaplega slæmum vinnubrögðum. Það var engin raunveruleg tilraun gerð til að sætta mismunandi sjónarmið.
Ég hef í umfjöllun þessa máls lagt mig fram um að reyna að leita sátta með margvíslegum tillögum. Það var algerlega lagst gegn öllum þeim hugmyndum og málið keyrt áfram í ósætti við vísindasamfélagið og heilbrigðisjónustuna. Ég get ekki stutt þessa afgreiðslu og segi nei.