![](http://www.althingi.is/myndir/althlit.gif)
Sighvatur Björgvinsson:
Virðulegi forseti. Ég hef verið jákvæður gagnvart hugmyndinni um starfrækslu miðlægs gagnagrunns á heilbrigðissviði. Ég taldi jafnvel koma til greina að aflétta ströngustu ákvæðunum um persónuvernd í þágu framfara í heilbrigðismálum ekki síst í þágu hagsmuna þeirra sem upplýsingarnar veita. Eins og frv. er úr garði gert er það hins vegar í hæsta máta ámælisvert.
Í fyrsta lagi hefur ekki fengist svar við spurningunni um hvað á að selja sem sé svo verðmætt að fjárfestar séu reiðubúnir að leggja fram 20 þús. millj. kr. Í öðru lagi á að gera upplýsingar um arfgerð og ættartengsl aðgengilegar fyrir starfrækslu gagnagrunnsins. Í þriðja lagi stenst úthlutun einkaleyfis ekki fjölþjóðasáttmála sem hafa lagagildi, virðulegi forseti. Ég segi því nei.