Pétur H. Blöndal (andsvar):
Herra forseti. Hv. þm. Steingrímur J. Sigfússon svaraði spurningu sem ég spurði ekki. En ég vildi gjarnan að hann svaraði spurningunni sem ég spurði. Ég spurði: Þar sem eignir lífeyrissjóðanna eiga að standast á við skuldbindingar þeirra og skuldbindingar lífeyrissjóðanna eru ekkert annað en krafa sjóðsfélaganna, hver á þá réttindin hjá lífeyrissjóðunum? Hver á kröfu á lífeyrissjóðina?
Og í öðru lagi: Ef krafan stendur á móti eignunum eða eignirnar standa á móti kröfunni, hver á þá eignirnar?