![](http://www.althingi.is/myndir/althlit.gif)
Guðmundur Árni Stefánsson:
Herra forseti. Ég styð fyrirliggjandi tillögu um aðild Íslands að Schengen-samstarfinu. Í því efni tek ég þó enga afstöðu til undirbúnings málsins né verklags alls af hálfu ríkisstjórnarinnar. Þar eru ekki öll kurl komin til grafar, svo sem varðandi byggingarframkvæmdir og rekstur í Leifsstöð og kostnað því samfara, né heldur skipulag starfsmannamála þar syðra. Óljós áform um hlutafélagavæðingu Leifsstöðvar auka enn á þá óvissu. Ég áskil mér því allan rétt til að fylgjast grannt með framgangi mála og gagnrýna ríkisstjórnina sem ber ábyrgð á málinu ef ástæða er til. Ég árétta þó stuðning minn við grundvallaratriði málsins, Schengen-aðildina sjálfa. Ég segi já.