[prenta uppsett í dálka] 94. fundur, 125. lþ.
Frsm. allshn. (Þorgerður K. Gunnarsdóttir) (andsvar):
Herra forseti. Hann er ekki endilega stoppaður hjá landamæravörðunum, það er rétt. En hann getur verið stoppaður í tollinum.
Þar fyrir utan gerir Schengen-samningurinn einmitt ráð fyrir því að samvinna lögreglu í allri Evrópu verði efld og styrkt til mikilla muna. Til þess eru ýmsar ráðstafanir gerðar í tengslum við Schengen-samninginn, m.a. SIS-upplýsingakerfið og frv. sem við erum að fjalla um hér. Það er verið að efla samvinnu lögreglunnar í Evrópu, og var kominn tími til.
Ég vil ítreka að viðkomandi getur gengið óáreittur í gegnum landamæraeftirlitið en hann verður eftir sem áður stoppaður í tollinum.
