![](http://www.althingi.is/myndir/althlit.gif)
Ögmundur Jónasson:
Herra forseti. Með frv. þessu er enn verið að gera breytingar og lagfæringar á þungaskattskerfinu en málið hefur reglulega komið til kasta Alþingis á liðnum árum vegna mikillar óánægju með fyrirkomulag í þungaskatti og eins vegna úrskurðar samkeppnisráðs. Í minnihlutaáliti sem við stöndum að, ég og hv. þm. Jóhanna Sigurðardóttir, leggjum við áherslu á heildarendurskoðun laganna og að hafinn verði undirbúningur að upptöku olíugjalds sem hefur marga kosti í för með sér og er mjög jákvætt með tilliti til umhverfismála.
Við höfum einnig vakið athygli á því að meiri hluti nefndarinnar tók ekki til greina eðlileg tilmæli fulltrúa almenningsvagna og Strætisvagna Reykjavíkur um að breytingar samkvæmt frv. auki ekki álögur á almenningssamgöngur. Þingmenn Vinstri hreyfingarinnar -- græns framboðs munu sitja hjá við afgreiðslu þessa frv. Við getum ekki stutt það.