[prenta uppsett í dálka] 106. fundur, 125. lþ.
Ögmundur Jónasson (um fundarstjórn):
Herra forseti. Ég ætla ekki að skorast undan því að taka þátt í áframhaldandi umræðu. En ég tek undir með hv. þm. Steingrími J. Sigfússyni að þetta er orðinn nokkuð langur þingdagur. Ég tek fram að orðið var við óskum mínum um að fresta umræðu um þetta dagskrármál frá hálfníu til hálfellefu, en þá voru önnur mál tekin til umfjöllunar. En áður hafði ég, sem var búinn að gera grein fyrir því að ég mundi vilja taka til máls um þetta frv., beðið þess að það kæmi á dagskrá frá því í morgun en það var mjög framarlega á dagskránni.
Ég tek undir það sjónarmið hv. þm. Steingríms J. Sigfússonar að æskilegast væri að mínum dómi að við lykjum þingfundi nú og tækjum þráðinn upp þegar þing kemur saman í næstu viku.
