Pétur H. Blöndal (andsvar):
Herra forseti. Hv. þm. sagði að það væri jákvætt að taka ekki ríkisábyrgðargjald af lánum, félagslegum lánum. Nú er það spurning mín til hv. þm.: Þegar maður fær slíkt lán og greiðir ekki ríkisábyrgðargjald þá er það styrkur til hans, það eru bætur af hálfu ríkisvaldsins. Hvar eru slíkar bætur færðar í velferðarkerfinu? Hvar koma þær fram sem bætur til viðkomandi manns og hvar koma þær fram hjá ríkissjóði sem framlög ríkisins inn í velferðakerfið?