![](http://www.althingi.is/myndir/althlit.gif)
Pétur H. Blöndal:
Herra forseti. Hér er stigið mjög merkt skref í átt til jafnréttis, jafnréttis kynjanna og þá væntanlega jafnréttis allra. Þjóðfélagið í heild sinni græðir á því. Það á að nýta krafta allra einstaklinga að fullu og með réttu skipulagi á atvinnulífið að geta breytt stöðunni þannig að það græði jafnvel á breytingunni. Einnig er rétt að geta þess að sveitarfélög munu spara umtalsverða fjármuni í gæslu barna og foreldrar sömuleiðis. Ég tel að þetta sé mjög gott mál og styð það eindregið.