Margrét Frímannsdóttir:
Virðulegi forseti. Fram kom hjá forseta áðan að ekki væri hægt að taka þetta upp aftur í dag vegna þess að virðulegur forseti hafði lýst yfir að málin væru tekin af dagskrá. Síðan við mættum í morgun er búið að setja á þrjá nýja fundi og það er áreiðanlega ekkert því til fyrirstöðu ef hæstv. forsrh. lætur svo lítið að mæta í þingsalinn og svara tveggja mánaða gömlum fyrirspurnum að settur sé nýr fundur honum til heiðurs ef hann ætlar að standa við það sem hann á að gera, og við hljótum að fara fram á það.