Rannveig Guðmundsdóttir (andsvar):
Virðulegi forseti. Ég vil þakka hv. þm. Tómasi Inga Olrich fyrir þessar upplýsingar. Þær eru áhugaverðar. Vangaveltur mínar snúa að því, í tengslum við orð utanrrh. og munnlega skýrslu hans, hver staða okkar er ef við stöndum uppi næstum ein með EES-samninginn. Ég þakka þessar upplýsingar og finnst þær áhugavert innlegg í þá umræðu sem hér hefur farið fram.