Tómas Ingi Olrich (andsvar):
Herra forseti. Ég tók eftir því að hv. þm. hefur ekki fyllilega skilið ræðu mína áðan þar sem ég fór fram á að menn sýndu fram á samkvæmni í kröfum sínu til umhverfismála og til þess lífsstíls sem við höfum tamið okkur hér. Ég vil hins vegar taka það fram í sambandi við spurningu þingmannsins um hvernig eigi að fjármagna þær framkvæmdir sem hér er talað um, að ef hann skoðar það fjármagn sem verður til í íslenska efnahagskerfinu á hverju ári, m.a. í gegnum lífeyrissjóðina, þá verður honum sennilega ljóst að það er ekki skortur á fjármagni sem við búum við hér á Íslandi. (Gripið fram í.)