Arnbjörg Sveinsdóttir (andsvar):
Hæstv. forseti. Af því að þannig háttar til að hv. þm. Guðjón Guðmundsson á sæti í stjórn Byggðastofnunar og sat einnig í nefndinni sem samdi frv. sem hér er til umræðu þá langar mig að spyrja hann, í tilefni af þessari skýrslu sem kom út fyrir helgi: Hvernig lítur hann á það að ný stofnun með nýja skipan og undir nýju ráðuneyti, að stjórn hennar geti haft svo miklar skoðanir á m.a. sjávarútvegsmálum og landbúnaðarmálum eins og fram kemur í þessari skýrslu?
Ég reikna fastlega með því að þetta hafi verið rætt í nefndinni sem samdi frv. Mér þætti vænt um að það kæmi fram hvernig stjórnin á að geta haft miklar skoðanir á málefnum annarra ráðuneyta.