[prenta uppsett í dálka] 37. fundur, 125. lþ.
Dómsmálaráðherra (Sólveig Pétursdóttir) (andsvar):
Já, virðulegi forseti. Ég verð nú að segja að ég átta mig ekki alveg á þessari gagnrýni frá hv. þm. Ég held að ég hafi farið nokkuð rækilega yfir helstu greinar í frv. En frv. er 20 greinar og þar eru mörg atriði sem er ekki er hægt að fjalla um í einni framsögu.
Í athugasemdum með 4. gr. í frv. segir t.d.:
,,Í 1. mgr. segir að skráning í upplýsingakerfið skuli miða að því að tryggja almannaöryggi og allsherjarreglu, þar með talið öryggi ríkisins. Rétt þykir að þessi tilgangur upplýsingakerfisins, sem kemur fram í 93. gr. Schengen-samningsins, verði beinlínis tilgreindur í lögunum.``
Ég verð að segja, virðulegi forseti, að ég sé ekkert athugavert við að hafa þessi ákvæði skilmerkileg í lögum, eins og þau eru sett fram hér í þessu frv. Ég tel þvert á móti að ákjósanlegt sé að gæta að almannaheill og öryggi ríkisins. Ég er ekki eins vel upplýst og hv. þm. og átta mig ekki á til hvaða ríkja hann er vitna. Hann getur kannski frætt mig um þau og hvaða reglur gilda þar.
