Forseti (Halldór Blöndal):
Borist hefur svohljóðandi bréf, dags. 15. jan. 2001:
,,Þar sem Lára Margrét Ragnarsdóttir, 5. þm. Reykv., getur ekki sótt þingfundi á næstunni vegna veikinda leyfi ég mér með vísun til 2. mgr. 53. gr. þingskapa að óska þess að 1. varaþingmaður Sjálfstfl. í Reykjavík, Vilhjálmur Þ. Vilhjálmsson borgarfulltrúi, taki sæti á Alþingi í fjarveru hennar.
Þetta er yður hér með tilkynnt, herra forseti.
Einar K. Guðfinnsson,
varaformaður þingflokks Sjálfstfl.``
Vilhjálmur Þ. Vilhjálmsson hefur áður tekið sæti á Alþingi og er boðinn velkominn til starfa á ný.