[prenta uppsett í dálka] 66. fundur, 126. lþ.
Forseti (Halldór Blöndal):
Borist hafa tvö bréf, hið fyrra dags. 6. febrúar sl.:
,,Þar sem ég er á förum til útlanda í opinberum erindum leyfi ég mér með vísan til 2. mgr. 53. gr. þingskapa að óska þess að 2. varaþingmaður Framsfl. í Reykn., Drífa J. Sigfúsdóttir húsmóðir, taki sæti á Alþingi í fjarveru minni og forföllum 1. varaþingmanns.
Þetta er yður hér með tilkynnt, herra forseti.
Siv Friðleifsdóttir, 7. þm. Reykn.``
Síðara bréfið er dags. 5. febrúar og hljóðar svo:
,,Herra forseti Alþingis.
Af sérstökum ástæðum getur undirritaður ekki tekið sæti Sivjar Friðleifsdóttur á Alþingi næstu tvær vikur.
Þetta tilkynnist yður hér með.
Páll Magnússon,
1. varaþingmaður Framsfl. í Reykn.``
Kjörbréf Drífu Sigfúsdóttur hefur verið samþykkt. Hún hefur áður tekið sæti á Alþingi og er boðin velkomin til starfa.
