Pétur H. Blöndal (andsvar):
Herra forseti. Þegar maður kaupir veiðiheimildir á segjum 800 kr. kg og breytir peningum sem eru eign yfir í eitthvað annað, þá hlýtur það að vera eign áfram. Þetta er í reynd eign þess sem fer með það þangað til reglunum verður breytt. Menn búa við þessa óvissu og þessa áhættu í þessari eign, að henni gæti verið breytt, og það er vitað á hverjum tíma. Ef maður ætlar að fara að veiða á morgun, einmitt á morgun, þau kíló sem hann má veiða, er sú heimild eign og verður ekkert annað en eign þangað til reglunum verður breytt.