Forseti (Guðjón Guðmundsson):
Hv. 6. þm. Reykn. er sjóaður þingmaður og fyrrv. ráðherra og honum er fullkunnugt um að það er mjög algengt við 2. umr. mála að formaður viðkomandi nefndar fylgi málinu eftir í þinginu. Formaður allshn. er hér staddur. Vel má vera að hv. þingmenn geti haft skoðanir á því að þetta ætti að vera einhvern veginn öðruvísi. En svona hefur þetta einfaldlega verið árum saman. Við getum tekið þá umræðu upp í forsn. hvort menn vilji breyta þessu og gera aðrar kröfur til hæstv. ráðherra.