[prenta uppsett í dálka] 130. fundur, 126. lþ.
Guðjón A. Kristjánsson:
Herra forseti. Hér er verið að ljúka við að samþykkja frv. til laga um stofnun hlutafélags um Orkubú Vestfjarða. Það hefur komið mjög skýrt fram í öllum umræðum sem farið hafa fram um þetta mál að eini tilgangurinn með þessari hlutafélagavæðingu er að Vestfirðingar selji eignarhlut sinn í Orkubúi Vestfjarða.
Ég held ég vilji við lok þessarar afgreiðslu gera orð orkubústjórans að mínum þegar hann á síðasta aðalfundi mælti svo til Vestfirðinga að það væri mikil framtíð í því að eiga Orkubú Vestfjarða. Það held ég að hafi verið rétt skoðun og ég held að Vestfirðingar séu að tapa á þessari afgreiðslu.
