Pétur H. Blöndal (andsvar):
Herra forseti. Örstutt. Hv. þm. las rangt upp úr 1. mgr. 3. gr. Þar stendur, með leyfi hæstv. forseta:
,,Fiskistofa skal fylgjast með aflasamsetningu fiskiskipaflotans þannig að jafnan liggi fyrir sem gleggstar upplýsingar um aflasamsetningu skipa eftir stærð og gerð skips ...``
Hv. þm. las: ,,Fiskistofa skal fylgjast með aflasamsetningu fiskiskipa`` og svo lagði hann út af því að Fiskistofa hefði heimild til að fylgjast með einstökum skipum. Hún hefur það ekki, hún hefur eingöngu heimild til að fylgjast með öllum flotanum.