[prenta uppsett í dálka] 15. fundur, 126. lþ.
Heilbrigðisráðherra (Ingibjörg Pálmadóttir):
Virðulegi forseti. Stefnan er að gera þjónustusamninga um einstaka þætti og það höfum við gert. En hvað varðar einkavæðingu á heilu sjúkrahúsi, í því er ekki nokkur einasta stefna. Við erum ekki að vinna að því.
Það kann að vera áhugi á slíku hjá mörgum í þjóðfélaginu. Við höfum skoðað einkavæðingu á stórum sjúkrahúsum erlendis og höfum ekki séð að þar sé betri þjónusta. Það kostar alls ekki minna en það sem við rekum í dag og auk þess höfum við ekki mannskap til að koma á skipulagi eins og einkavæðing sjúkrahúsa mundi hafa í för með sér. En varðandi einstaka þjónustuþætti höfum við um langt árabil gert þjónustusamninga við einstaka aðila í heilbrigðisþjónustunni. Ég vona að þetta svari fullkomlega hv. þm.
