![](http://www.althingi.is/myndir/althlit.gif)
Fjármálaráðherra (Geir H. Haarde):
Herra forseti. Það er eitt atriði sem mér láðist að nefna áðan sem er líka mjög mikilvægt í þessu sambandi og síðasti ræðumaður vék óbeint að, að hvað sem gert kann að verða í þessu máli eins og öðrum sambærilegum málum, er það auðvitað með fyrirvara um samþykki og eðlilegar heimildir Alþingis. Það er því ekkert um það að ræða að menn séu í einhverju heimildarleysi að vaða út í einhverjar aðgerðir sem eru ekki leyfilegar. Alþingi getur auðvitað þegar þar að kemur hafnað slíkum samningum. Það verður bara að koma í ljós. Á meðan ekkert slíkt er komið í ljós vinna menn að málinu óháð fyrirspurnum frá hv. þm. Jóni Bjarnasyni.