Þorgerður K. Gunnarsdóttir (andsvar):
Herra forseti. Ég velti fyrir mér hvort hv. þm. Ögmundur Jónasson, eftir þessar ágætu ræður hans í dag, haldi því fram að öryggið eins og það var áður hafi verið miklu betra, að hver einasta veita hafi verið könnuð? Það hefur komið í ljós, m.a. í máli hv. þm. Gísla Einarssonar, að í marga tugi ára hafi vissar gamalveitur ekki verið skoðaðar, þó að Rafmagnseftirlit ríkisins hafi verið við lýði. Ég spyr því: Hvað er það sem hv. þm. Ögmundur Jónasson vill sjá í þessu málum annað en einhverja nefnd?