[prenta uppsett í dálka] 22. fundur, 126. lþ.
Arnbjörg Sveinsdóttir (andsvar):
Hæstv. forseti. Við vitum það bæði, hv. þm. Ögmundur Jónasson og ég, að tekjur hafa verið að hækka í landinu og það hversu barnabæturnar voru tekjutengdar hafði auðvitað þau áhrif að heildargreiðslur inn í þann pakka höfðu mikil áhrif á það hversu heildarupphæðirnar voru miklar þegar allt kom til niðurstöðu í álagningu. Það er verið að breyta þessu núna með barnabæturnar. Verið er að draga úr tekjutengingum. Er það eitthvað sem hv. þm. Ögmundur Jónasson hefur mikið á móti? Erum við ekki að tala um aukin framlög til barnabóta? Er það eitthvað sem hv. þm. mælir á móti?
