[prenta uppsett í dálka] 25. fundur, 126. lþ.
Kolbrún Halldórsdóttir:
Herra forseti. Það er skiljanlegt að hæstv. umhvrh. vilji ekki blanda sér í beinar deilur varðandi þetta mál. En ég verð að segja að áframhaldandi blómlegt lífríki Elliðavatns og Elliðaánna er á verksviði hæstv. umhvrh. Hæstv. umhvrh. er fullkunnugt um að skipulagsáætlanir koma til með að þurfa að lúta lögum um mat á umhverfisáhrifum innan skamms. Það er sanngjarnt að hæstv. umhvrh. miðli okkur í síðara svari sínu skoðun sinni á því að skipulagsáætlanir á vatnsverndarsvæðum ættu að lúta lögum um mat á umhverfisáhrifum. Ég vil fá að spyrja hæstv. ráðherra hvort nokkuð sé því til fyrirstöðu að hæstv. umhvrh. láti skipulagsáætlanir á vatnsverndarsvæðum lúta þeim lögum nú þegar.
