Ásta R. Jóhannesdóttir (andsvar):
Herra forseti. Svona má lengi seilast í jöfnunarsjóðinn ef menn tala alltaf um að 25 millj. eða hvaða upphæð það er séu smáaurar.
Herra forseti. Ég minni á hvernig tillagan hljóðar:
,,Þar sem svo háttar til að hagkvæmara er að mati sveitarstjórnar að leggja vatnsveitu að einstökum bæjum í dreifbýli ...`` o.s.frv.
Orðalagið gefur það til kynna að hægt sé að ýta verkefnum frá sér ef sveitarstjórnin telur sig ekki geta tekist á við þau, þetta er alltaf matsatriði.
Ég fer ekki ofan af því, herra forseti, að í þeim fáu tilvikum að menn þurfa sérstaka vatnsöflun þá eigi landbrn. að styrkja það en ekki Jöfnunarsjóður sveitarfélaga. Það er bjargföst skoðun mín.