Heilbrigðisráðherra (Ingibjörg Pálmadóttir) (andsvar):
Virðulegi forseti. Bætur hækka um 4% frá og með áramótum. En hvað varðar aðra þætti, sem munu breytast á árinu, er ekki gert ráð fyrir því í fjárlögum og það var heldur ekki gert ráð fyrir í fjárlögum þeim miklu breytingum sem urðu síðan um mitt þetta ár sem nú er að líða. Ég minni á 800 millj. sem settar voru sérstaklega í það um mitt ár án þess að gert væri ráð fyrir því í fjárlögum. Það er erfitt að setja eina tölu í fjárlög þegar tillögurnar liggja ekki fullkomlega fyrir.