![](http://www.althingi.is/myndir/althlit.gif)
Viðskiptaráðherra (Valgerður Sverrisdóttir):
Hæstv. forseti. Eins og ég hef látið koma fram er verið að fara yfir það í iðn.- og viðskrn. hvort erindið sem barst frá Verslunarráði sé í raun málefni sem ástæða sé til þess að fjalla um í ráðuneytinu. Við höfum ekki lokið þeirri athugun. Meðan svo er get ég ekki svarað hv. þm. um hver niðurstaðan verður en ég reikna með því að það verði á morgun eða alveg á næstu dögum sem lögfræðilegri skoðun á þessu erindi lýkur. Auðvitað er ekki ætlun neins að knýja ráðuneytið eða ráðherra til aðgerða sem ekki standast lög og reglur. Það dettur mér ekki í hug. En málið er bara þannig vaxið að það þarf að fara yfir allar hliðar þess og að því er unnið.