![](http://www.althingi.is/myndir/althlit.gif)
Forsætisráðherra (Davíð Oddsson):
Herra forseti. Þau orð sem hv. þm. vitnaði til síðast af minni hálfu þýða að við teljum að Síminn hafi verið mældur á sanngjörnu verði. Þó að slík tilboð hafi ekki komið vegna þeirra aðstæðna sem nú eru í veröldinni teljum við að Síminn hafi ekki verið of hátt metinn. Við teljum þvert á móti að hann hafi verið metinn af sanngirni. Þess vegna höfum við ekki viljað fallast á neinn afslátt af þeim tölum. Við höfum verið algjörlega fastir í því að veita ekki neinn afslátt af þeim tölum, af því að við teljum að Síminn hafi í upphafi verið rétt metinn.
Það hefur engin ákvörðun verið tekin um það að fresta varanlega sölumeðferð á Símanum í eitt eða tvö ár eða þess háttar. Engin slík ákvörðun hefur verið tekin og áður en hún verður tekin verður hún rædd af einkavæðingarnefnd ríkisstjórnarinnar og samgrh.