![](http://www.althingi.is/myndir/althlit.gif)
Flm. (Karl V. Matthíasson) (andsvar):
Að því er ég best veit, herra forseti og hv. þm. Kolbrún Halldórsdóttir, er þessi virkjunarkostur ekki inni í ramma\-áætluninni vegna þess að rannsóknirnar eru svo skammt á veg komnar. Reyndar hafa farið fram lítils háttar athuganir. Að því er ég best veit er aðeins farið að vinna í þessu. Einn starfsmaður hjá Orkustofnun, held ég, hefur eitthvert takmarkað starf með höndum í sambandi við þessa virkjun.
Því er þessi tillaga nú lögð fram að það komist sem fyrst á koppinn að menn geti séð hvort hagkvæmt sé og rétt að fara út í þessa virkjun allra hluta vegna. Kannski gæti þetta verið einn vænlegasti kostur okkar, t.d. vegna umhverfisþáttanna, svo ég nefni það eitt.