[prenta uppsett í dálka] 78. fundur, 127. lþ.
Össur Skarphéðinsson (andsvar):
Herra forseti. Ég held að hv. þm. Árni Steinar Jóhannsson og aðrir þingmenn Vinstri hreyfingarinnar -- græns framboðs ættu að láta vera að fiska í gruggugu vatni í þessu máli eða öðrum. Ég gæti auðvitað, ef út í það væri farið, spurt hvers vegna hv. þm. Steingrímur J. Sigfússon er ekki við þessa umræðu. Hvar er hann? Af hverju er hann ekki á mælendaskrá? Af hverju er hann ekki fyrsti ræðumaður umrædds stjórnmálaflokks?
Það má auðvitað spyrja hv. þm. Árna Steinar Jóhannsson: Hvernig ætlar hann að greiða atkvæði gagnvart þessu frv.? Er hann ekki flm. að frv. sem er til afgreiðslu í þinginu sem segir einmitt að þjóðin eigi að taka afstöðu í þessu máli? Ætlar hann þá að sitja hjá ef þjóðin á að ráða?
