Sverrir Hermannsson (andsvar):
Herra forseti. Hæstv. ráðherra undrast að ég skuli ekki hafa áhuga á að við eigum í þessu arðbæra fyrirtæki. Hvaðan hefur hæstv. ráðherra þær upplýsingar að þetta fyrirtæki verði arðbært eins og nú t.d. stefnir um álverð í heiminum? Ég hef ekki haft spurnir af þessu. Nei. Ég á marga vini í Noregi. En þeir eru ekki í starfi hjá Norsk Hydro og ég held að hæstv. ráðherra hafi kannski sjálf reynslu af því að þar er margt ágætra manna, Norðmanna.