[prenta uppsett í dálka] 87. fundur, 127. lþ.
Halldór Blöndal (andsvar):
Herra forseti. Ég áttaði mig ekki á þessu síðasta, að Samherji og þeir Ólafsfirðingar hafi byggt á félagslegum grunni er náttúrlega ekki rétt en látum það nú eiga sig. Samherji er náttúrlega ekki bæjarfyrirtæki.
Ég vil líka minna hv. þm. á það að Útgerðarfélag Akureyringa var ekki rekið sem bæjarútgerð eins og gert var á Ísafirði, eins og gert var í Reykjavík og eins og gert var í Hafnarfirði þannig að þetta er satt að segja mjög hæpin samlíking.
Ég ætla heldur ekki að fara út í það hvernig samvinnuhreyfingunni hefur gengið upp á síðkastið að halda uppi störfum á Akureyri en hitt get ég sagt hv. þm. að ég er sammála honum um að Eyfirðingar eiga að fá að hafa tryggingu fyrir því að þeir geti unnið áfram á þeim forsendum sem þeir nú gera þar sem þeim hefur vel tekist.
