![](http://www.althingi.is/myndir/althlit.gif)
Halldór Blöndal:
Herra forseti. Ég er andvígur því að erlendir menn, þótt norrænir séu, fái atkvæðisrétt hér á landi frá fyrsta degi sem þeir hafa hér lögheimili. Ég tel nauðsynlegt að menn sem hafa atkvæðisrétt og vilja neyta hans þekki til í því landi þar sem þeir búa, og þess vegna álít ég að nokkur umþóttunartími sé nauðsynlegur áður en til slíks kemur.
Á hinn bóginn vil ég minna á að á þremur Norðurlöndum hefur þetta gengið svo langt að þessi atkvæðisréttur og þessi jafnstaða nær til allra ríkja Evrópusambandsins og má vera að hv. 3. þm. Norðurl. e. hafi haft það í huga.