[prenta uppsett í dálka] 111. fundur, 127. lþ.
Ásta R. Jóhannesdóttir:
Herra forseti. Enn gefst þingmönnum færi á því að styðja það að sömu reglur gildi um kjörgengi alls staðar á Norðurlöndunum, þ.e. fyrir norræna íbúa. Við leggjum hér til breytingu á þessu frv. þar sem danskir, norskir, sænskir og finnskir ríkisborgarar eigi sama rétt hér á landi eins og þeir eiga á Norðurlöndunum og við líka. Auðvitað á að gilda það sama. Ég minni á að það hefur verið sérstakt baráttumál Norðurlandaráðs að koma þessu á. Og við tökum þátt í því.
Sömuleiðis leggjum við til að þeir útlendingar aðrir sem hafa dvalið hér í þrjú ár eigi rétt á að kjósa í sveitarstjórnir. Það eru sjálfsögð mannréttindi að þeir fái að hafa áhrif á sveitarstjórnir sínar, þeir sem hafa búið hér. Ég hvet hv. þingmenn til að styðja þessa brtt.
