Frsm. utanrmn. (Sigríður A. Þórðardóttir) (andsvar):
Herra forseti. Ég legg áherslu á að ég tel að íslensk stjórnvöld fylgi umhverfisvænni stefnu. Þau hafa sýnt það í verki. Vetnið var t.d. nefnt hér áðan. Það er búið að vinna mjög mikið í þeim málum. Ýmislegt annað væri hægt að nefna. Við vorum að tala um þrávirku efnin áðan. Þar var Ísland í fararbroddi þannig að það er enginn vafi í mínum huga að það gera menn. Hins vegar er líka ljóst að það er skylda okkar að gæta hagsmuna Íslands á alþjóðavettvangi. Það hafa íslensk stjórnvöld gert. Við hv. þm. Kolbrún Halldórsdóttir erum bara einfaldlega ósammála um þessi mál.