[prenta uppsett í dálka] 124. fundur, 127. lþ.
Guðmundur Árni Stefánsson:
Herra forseti. Þjóðin öll veit að hér er á ferðinni pólitískur geðþótti, pólitískir dyntir forsrh. Ég er ekki kjörinn á Alþingi til að vera í hópi jábræðra forsrh. þegar honum detta í hug hlutir, þegar hann vill láta kné fylgja kviði og færa til betri vegar ef menn voga sér að andæfa honum í opinberri umræðu. Það gerði þjóðhagsstofustjóri árið 2000, hann var með aðrar spár en forsrh. Afleiðingin varð sú að hann skyldi leggja af og stofnunina um leið. Ég tek ekki þátt í leik af þessum toga.
