Vilhjálmur Egilsson (andsvar):
Virðulegi forseti. Það er athyglisvert að hv. þm., sem gaf kost á sér í prófkjör fyrir Samfylkinguna fyrir síðustu alþingiskosningar, skuli núna ekki þora að kannast við að hafa verið stuðningsmaður og kosið Skagafjarðarlistann, og bera mikla ábyrgð á honum. Þetta kemur mér mjög á óvart. Ég hélt að hv. þm. færi ekki að standa hér og þykjast ekki hafa kosið Skagafjarðarlistann í leynilegri atkvæðagreiðslu við síðustu sveitarstjórnarkosningar í Skagafirði. Hvers lags aumingjaskapur er þetta eiginlega, hv. þm.?