Guðjón A. Kristjánsson:
Herra forseti. Ég kem í ræðustól til að lýsa stuðningi við þessa tillögu. Ég fagna því mjög að hún skyldi fá framgang í þinginu. Ég tel að það verði til farsældar fyrir land og þjóð og einkum þó fyrir Vestfirðingana að farið verði í að kortleggja þá virkjunarmöguleika sem þarna eru. Vonandi mun það leiða til þess að menn sjái að þarna er hagkvæmur og góður virkjunarkostur sem verði nýttur fyrr en seinna.