[prenta uppsett í dálka] 33. fundur, 127. lþ.
Forseti (Halldór Blöndal):
Borist hafa svohljóðandi bréf, hið fyrsta dags. 21. nóv. 2001:
,,Þar sem Lára Margrét Ragnarsdóttir, 6. þm. Reykv., er erlendis í opinberum erindum og getur því ekki sótt þingfundi á næstunni óska ég eftir því með vísan til 2. mgr. 53. gr. þingskapa og bréfs 1. varaþm. á lista Sjálfstfl. í Reykjavík, Vilhjálms Þ. Vilhjálmssonar borgarfulltrúa, að 2. varaþm. á listanum, Stefanía Óskarsdóttir, taki sæti hennar á Alþingi á meðan.
Virðingarfyllst,
Sigríður A. Þórðardóttir,
formaður þingflokks Sjálfstfl.``
Annað bréfið er dags. 19. nóv. 2001:
,,Að þessu sinni get ég ekki tekið sæti Láru Margrétar Ragnarsdóttur, 6. þm. Reykv., á Alþingi frá 21. nóvember til 6. desember nk., vegna fjarveru minnar á tímabilinu.
Virðingarfyllst,
Vilhjálmur Þ. Vilhjálmsson.``
Þriðja bréfið er svohljóðandi:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því með vísan til 2. mgr. 53. gr. þingskapa að 1. varaþm. á lista Sjálfstfl. í Reykjaneskjördæmi, Helga Guðrún Jónasdóttir, taki sæti mitt á Alþingi á meðan.
Virðingarfyllst,
Árni M. Mathiesen.``
Helga Guðrún Jónasdóttir og Stefanía Óskarsdóttir hafa báðar tekið sæti á Alþingi og eru boðnar velkomnar til starfa á ný.
