Frsm. meiri hluta fjárln. (Ólafur Örn Haraldsson) (andsvar):
Virðulegi forseti. Hér tel ég að verið sé að koma til móts við þá sem þurfa að njóta þjónustunnar og sömuleiðis að auka aðhald og hagræðingu í rekstri heilbrigðiskerfisins. Hundraðshluti sjúklings í heildarkostnaði við komu til klínísks sérfræðilæknis var 45,1% árið 1996 en hafði lækkað í 29,9% á árinu 2000.
Ég tel að fullt tilefni hafi verið til að bregðast við með þessum hætti og er tilbúinn til að veita hv. þm. aðgang að gögnum um þróun komugjalda á heildarrekstrarkostnaði til heilsugæslustöðva frá 1998--1999 sem styðja dyggilega þá tillögu sem hér er lögð fram.