Ísólfur Gylfi Pálmason (andsvar):
Herra forseti. Þetta var löng og mikil ræða hjá hv. þm. Jóni Bjarnasyni. Ég hef svo sem ekki mjög margar spurningar til hans í þessum efnum. Mig langar þó að spyrja: Á einum stað í þessum gögnum stendur að búa þurfi atvinnulífinu þá umgjörð að fólk og fjármagn leiti aftur til þeirra atvinnugreina sem stuðla að verulegri verðmætaaukningu í þjóðfélaginu og þar með raunhagvexti. Hvað á þingmaðurinn við með þessu?