Ísólfur Gylfi Pálmason (andsvar):
Herra forseti. Hv. þm. svaraði ekki þessari einföldu spurningu minni. Það stendur hérna: ,,Búa þarf atvinnulífinu þá umgjörð að fólk og fjármagn leiti aftur til þeirra atvinnugreina sem stuðla að varanlegri verðmætaaukningu í þjóðfélaginu og þar með raunhagvexti.``
Þetta var spurning mín og ég vil gjarnan fá meira konkret svar við henni. Ég var ekki að tala um þjónustu banka eða peningastofnana eða neitt í þeim efnum heldur bara að fá svar við þeirri spurningu.