Einar Oddur Kristjánsson (andsvar):
Herra forseti. Það er alveg óþarfi að ég noti þessa mínútu til að rifja það upp en ég skal minna þingmanninn á að í fjárlagafrv. 2000, við fjárlagafrv. 1999 og við fjárlagaafgreiðslu 1998 fór ég nákvæmlega í gegnum þetta, gagnrýndi lið fyrir lið hvað hafði verið gert rangt, gagnrýndi mjög mikið þegar ríkið, hið opinbera, hætti og afnam þá aðferðafræði sem alltaf hefur verið viðhöfð í samningum, að hnýta hnútana fyrst og semja svo. Menn geta flett þessu upp í þingræðum ár eftir ár.