![](http://www.althingi.is/myndir/althlit.gif)
Kristján Pálsson (andsvar):
Herra forseti. Þetta er algjör misskilningur. 305 millj. voru settar til að mæta gengishalla og öðrum óvæntum kostnaði sem kom upp hjá sjúkrahúsunum. (Gripið fram í.) Þar á meðal fór hluti af þessum peningum til þess að mæta gengishalla vegna röntgentækisins á Akureyri þannig að ég skora á hv. þm. að átta sig á því að það er þegar búið að gera ráð fyrir þeim gengishalla sem varð á þessu ári.
Við erum núna að tala um næsta ár og samkvæmt þeim tölum sem ég hef verið að lesa upp eru sjúkrahúsin að fá 7--15% hækkun, sjúkrahúsið hér í Reykjavík 13% eða 2,4 milljarða, og það á að vera meira en það sem snýr að hækkun vegna vísitölu og gengis miðað við þær áætlanir sem gerðar eru.