[prenta uppsett í dálka] 47. fundur, 127. lþ.
Kristinn H. Gunnarsson (andsvar):
Herra forseti. Framlög úr ríkissjóði til nemenda sem stunda nám fjarri heimilum sínum hefur verið ríflega tvöfaldað á þessu kjörtímabili. Það eru auðvitað pólitískar áherslur sem hv. þm. Jón Bjarnason þegir yfir vegna þess að það hentar honum ekki að láta sannleikann koma fram í þeim efnum.
Hitt er að verða nokkuð ljóst að skattastefna Vinstri grænna er að hækka skatta á almenning í landinu um 15--20% á einu bretti til að standa undir gífurlegum óskalista um ný útgjöld. Það er skattastefna hv. þingmanna Vinstri grænna og mundi vera í bandormi sem hér lægi á borðunum ef þeir sætu í ríkisstjórn.
