Ferill 345. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 731 — 345. mál.
Svar
fjármálaráðherra við fyrirspurn Guðmundar Árna Stefánssonar um heimildir til sölu og kaupa á eignum í fjárlögum fyrir árið 2001.
Fyrirspurnin hljóðar svo:
1. Hvaða heimildir til sölu og kaupa á eignum í fjárlögum fyrir árið 2001 hafa verið nýttar af fjármálaráðherra?
2. Hvert var söluverð einstakra eigna ríkissjóðs og hverjir keyptu?
3. Hvert var kaupverð einstakra eigna og hverjir seldu?
Eftirfarandi er listi yfir fasteignir sem ríkissjóður keypti eða seldi skv. 7. gr. fjárlaga fyrir árið 2001.
Eignakaup ríkissjóðs 2001, fjárhæðir í þús. kr.
Ráðuneyti/stofnun | Staður | Stærð | Heimild | Kaupverð |
Einkaleyfastofan | Skúlagata 63, Reykjavík | 1.026 | Fjárlög 7.5 | 78.186 |
Yfirdýralæknir | Bláskógar 12, Egilsstöðum | 266 | Fjárlög 7.23 | 15.000 |
Heilbrigðisráðuneyti | Mýrar 4, Patreksfirði | 304 | Fjárlög 3.2 | 15.000 |
Sýslumaðurinn í Ólafsfirði | Ólafsvegur 40, Ólafsfirði | 200 | Fjárlög 2.10 | 11.100 |
Sýslumaðurinn í Vestmannaeyjum | Ásavegur 31, Vestmannaeyjum | 233 | Fjárlög 7.20 | 15.000 |
Svæðisvinnumiðlun Austurlands | Miðás 1–5, Egilsstöðum | 120 | Fjárlög 7.27 | 7.580 |
Flugmálastjórn (flugskýli) | Egilsstaðaflugvöllur | 273 | Fjáraukalög 7.31 | 5.700 |
Landbúnaðarráðuneyti | Víðimýri, Skagafirði |
|
Fjáraukalög 7.32 | 22.000 |
Ríkissjóður v. jarðskjálfta á Suðurlandi | Breiðalda 5, Hellu | 150 | Fjáraukalög 7.33 | 11.710 |
Ríkissjóður v. jarðskjálfta á Suðurlandi | Breiðalda 7, Hellu | 150 | Fjáraukalög 7.33 | 11.710 |
Fasteignir ríkissjóðs | Laugavegur 164, Reykjavík | 236 | Fjáraukalög 7.30 | 17.500 |
Eignasala ríkissjóðs 2001, fjárhæðir í þús. kr. | ||||
Ráðuneyti/stofnun | Staður | Stærð | Heimild | Kaupverð |
Alþingi | Skólabrú 2, Reykjavík | 389 | Fjárlög 2.31 | 38.000 |
Heilbrigðisráðuneyti | Urðargata 17, Patreksfirði | 206 | Fjárlög 3.2 | 4.100 |
Heilbrigðisráðuneyti | Mýrar 11, Patreksfirði | 82 | Fjárlög 3.2 | 2.700 |
Menntamálaráðuneyti | Skólabúðir að Reykjum | Fjárlög 3.13 | 1.000 | |
Menntamálaráðuneyti | Eiðar | Fjárlög 3.14 | 25.000 | |
Sjávarútvegsráðuneyti | Árni Friðriksson | Fjárlög 6.2 | 32.000 | |
Landbúnaðarráðuneyti | Eyjar II, Breiðdalshreppi | Fjárlög 4.22 | 5.400 | |
Landbúnaðarráðuneyti | Gröf, Dalvíkurbyggð | Fjárlög 4.23 | 8.500 | |
Landbúnaðarráðuneyti | Hrærekslækur,Tunguhreppi | Fjárlög 4.25 | 4.652 | |
Landbúnaðarráðuneyti | Bjarnarnes I, Höfn | Fjárlög 2.34 | 1.400 | |
Landbúnaðarráðuneyti | Framnes, Kaldrananeshreppi | Fjárlög 4.4 | 6.600 | |
Landbúnaðarráðuneyti | Minni-Ólafsvellir, Skeiðahreppi | Fjárlög 4.19 | 6.826 | |
Landbúnaðarráðuneyti | Hjalli, Reykjadælahreppi | Fjárlög 4.21 | 10.700 | |
Landbúnaðarráðuneyti | Kvoslækur, Fljótshlíðarhreppi | Fjárlög 4.32 | 24.000 | |
Landbúnaðarráðuneyti | Hræringsstaðir, Dalvíkurbyggð | Fjárlög 4.26 | 6.400 | |
Landbúnaðarráðuneyti | Vestra-Stokkseyrarsel | Fjárlög 4.54 | 4.666 | |
Dómsmálaráðuneyti | Háeyrarvellir 36, Eyrarbakka | 181 | Fjáraukalög 2.36 | 10.000 |
Dómsmálaráðuneyti | Skúlagata 10, Stykkishólmi | 37 | Fjárlög 2.6 | 811 |
Dómsmálaráðuneyti | Aðalgata 7, Stykkishólmi | 433 | Fjárlög 2.5 | 8.780 |
Háskóli Íslands | Bjarkargata 6, Reykjavík | 396 | Fjárlög 2.33 | 37.500 |
Skógrækt ríkisins | Hluti Straums, Hafnarfirði | Fjárlög 4.47 | 102.000 | |
Vegagerð ríkisins | Djúpbáturinn Fagranes | Fjáraukalög 6.7 | 4.000 | |
Þróunarsamvinnustofnun | Fengur RE | Fjáraukalög 6.5 | 14.000 | |
Yfirdýralæknir | Ásvegur 10, Hvanneyri | 244 | Fjárlög 2.21 | 8.200 |
Í þessu sambandi ber að nefna að 20. nóvember sl. óskaði landbúnaðarráðherra eftir áliti forsætisráðherra á því að hve miklu leyti lög leyfa að Alþingi verði veittar upplýsingar um seldar ríkisjarðir.
Í svarbréfi forsætisráðherra til landbúnaðarráðherra, dags. 15. janúar sl., sem gert hefur verið opinbert, er talið með vísan til 1. tölul. 2. gr. laga nr. 77/2000, um persónuvernd og meðferð persónuupplýsinga, að upplýsingar um sölu ríkissjóðs á fasteignum séu persónuupplýsingar í skilningi laganna, enda séu upplýsingarnar persónugreinanlegar. Skv. 2. tölul. 1. mgr. 7. gr. sömu laga skal þess m.a. gætt við meðferð slíkra upplýsinga að þær séu fengnar í yfirlýstum, skýrum og málefnalegum tilgangi og ekki unnar frekar í öðrum og ósamrýmanlegum tilgangi. Einnig skal þess gætt skv. 3. tölul. sömu málsgreinar að persónuupplýsingarnar séu ekki unnar umfram það sem nauðsynlegt er miðað við tilgang vinnslunnar. Niðurstaða álitsins er því í stuttu máli á þá leið að með hliðsjón af framangreindum lagaákvæðum beri að takmarka svör við tilgreiningu eignanna og söluverðs þeirra. Ekki er talið að nöfn kaupenda ríkisjarða séu nauðsynleg til að Alþingi geti viðhaft það eftirlit sem því er að lögum falið að hafa með meðferð fjármuna hins opinbera, nema fleira komi til.
Fjármálaráðuneytið tekur undir þá niðurstöðu sem fram kemur í áliti forsætisráðherra og rakin er stuttlega hér að framan. Ráðuneytið telur jafnframt að þessi sjónarmið eigi ekki einungis við um sölu ríkisjarða heldur eigi þau einnig við um kaup eða sölu annarra fasteigna á vegum ríkissjóðs. Af þessum sökum er ekki tilgreint í svari við fyrirspurn þessari hvaða einstaklingar eða lögaðilar seldu eða keyptu framangreindar eignir.